HBD Friedrich Engels

இன்றைய மாலை தேநீர் ஃப்ரெடரிக் ஏங்கெல்ஸுடன். அவரது 205 வது பிறந்தநாளை எளிமையாகக் கொண்டாட அழைத்தேன்.

‘பிறப்பொக்கும் எல்லா உயிர்க்கும்’ சிந்தித்த கவி வாரிசு அழைத்தால் மறுப்பேனா? வந்தார்.

டீ குடித்தபடி Homebound படத்தை நெட்ஃபிளிக்ஸில் டௌன்லோட் செய்தேன். என்ன செய்றீங்க? மொபைலை பார்த்தார் ஏங்கெல்ஸ். மாலை ஒரு நீண்ட பேருந்து பயணம். பார்ப்பதற்கு! என்றேன். தவறில்லை.

‘The less you eat, drink and read books; the less you go to the theatre, the dance hall, the public house; the less you think, love, theorise, sing, paint, fence, etc., the more you save-the greater becomes your treasure which neither moths nor dust will devour-your capital. The less you are, the more you have; the less you express your own life, the greater is your alienated life-the greater is the store of your estranged being’

விரிவாகப் பேசியவரைக் கூர்ந்து கவனித்தேன். நிதானமாக ஒரு சிப் பருகியவர், புன்னகைத்தார்.

‘ஆகவே நிறைய கவிதை எழுதுங்க. நிறைய பயணம் போங்க. நிறைய சினிமா பாருங்க. நிறைய ரீல்ஸ் பாருங்க. மகிழ்ச்சியா இருங்க!’

என்ன மனிதர் இவர்!

‘நீங்கள் குறைவாக இருந்தால், உங்களிடம் அதிகமாக இருக்கும்.’ இது முதலாளித்துவம் நமக்கு சொல்லித் தருகிற பாடம். முதலாளித்துவம் அதற்கு எது நல்லதோ, அதை நமக்கு நல்லது! என சொல்லித் தரும்.

ஆனால் ஏங்கெல்ஸ் அப்படி அல்லர். 

‘ நம் ஆசைகள், மகிழ்ச்சிகள் மற்றும் திறமைகளை அடக்குவதன் மூலம், நாம் அதிக பணத்தை குவிக்கலாம், ஆனால் நமது உண்மையான சுயத்திலிருந்து நாம் மேலும் அந்நியப்படுவோம் .’ என்கிறார் ஏங்கெல்ஸ்.

முதலாளித்துவம் தனிநபர்களை அவர்களின் மனிதநேயத்திலிருந்து பிரிக்க முயல்கிறது. வாழ்க்கையை ஒரு பொருளாதாரக் கணக்கீடாக அது மாற்றுகிறது.

மனிதர்களின் தன்னிச்சையான ரசனை, படைப்பு மற்றும் உணர்ச்சிபூர்வமான வாழ்வின் அழகிலிருந்து நம்மைத் தூர விலக்குகிறது . நமது சுயத்தை விலையாகக் கொடுத்துப் பெறக்கூடிய செல்வம் நமது உள் வெறுமைக்கு வழிவகுக்கிறது .

சமகால உலகில், பணத்தை எப்படி சம்பாதிப்பது? சேமிப்பது? என்பதுதான் முக்கிய கவலையாக உள்ளது.

ஆனால், மனித மகிழ்ச்சி என்பது பொருள் சார்ந்தது அல்ல, மாறாக ஆன்மீக இயல்புடையது. ஒருவரின் அனுபவங்கள் மற்றும் வெளிப்பாடுகளை செழுமை கொள்ள வைப்பது.

மனித வாழ்வின் பகுதியாக இருப்பது கலைத் துய்ப்பு. இதன் மூலமே அன்பு மற்றும் மகிழ்ச்சியை நாம் பெற இயலும். வாழ்விலிருந்து அன்னியமாவதை, இதன் மூலமே நம்மால் தவிர்க்க இயலும்.

ஒரு தேநீர் வேளையை, ஏங்கெல்ஸால் வகுப்பறையாக மாற்ற முடிகிறது. ஆகவேதான், மார்க்ஸ் , ஏங்கெல்ஸை பேராசான்கள் என்கிறோம்.

அவரைத் தழுவி, Many more happy returns of the day சொல்கிறேன்!